Тел бәйгеһе үтте

      Кешенең тормошо тел менән бәйле. Туған телебеҙ – башҡорт теле, ҙур тарихлы, бай, моңло тел ул. Тел бөтһә, ул телдең эйәһе булған халыҡ, милләт юғала. Туған телен һаҡлау – һәр кемдең изге бурысы. 30 март көнө Килдеғол ауылы китапханасыһы Искужина Н. уҡыусылар өсөн “Тел бәйгеһе” исемле уйын – ярыш үткәрҙе. “Зирәктәр” һәм “Отҡорҙар” командалары үҙ-ара көс һынашты. Йомаҡтар ҡойоштолар, тиҙәйткестәр әйттеләр, мәҡәлдәрҙе урыҫ теленә тәржемә иттеләр, анаграммалар, шиғыр яҙыу һәм башҡа күп кенә тел тураһында уйындар уйнанылар.

     Кисәнең икенсе өлөшөндә уҡыусыларҙың яратҡан уйыны “Әлләсе” үткәрелде. Уҡысылар бик ҡәнәғәт булып таралыштылар. Сарала 31 уҡыусы ҡатнашты.