16 июнь — Милли батырыбыҙ, яугир, шағир-импровизатор Салауат Юлай улының тыуыуына — 265 йыл тулды. Башҡорт халҡының милли геройы Салауат Юлаевтың тормошо, яу юлы менән танышыу, уның шәхесенә, ижадына ҡыҙыҡһыныу уятыу, ихтирам тәрбиәләү, Салауат Юлаев кеүек үҙ илеңдең патриоты булырға өйрәтеү маҡсатында Байназар урта мәктәбе янындағы көндөҙгө лагерҙа китапханасылар Гөлсиә Буранбаева һәм Роза Аетбаева ял итеүсе балалар менән "Ил батыры Салауат" исемле патриотик сәғәт үткәрҙе.
Подробнее >>>
Уҡыусыларҙа сәламәт йәшәү рәүешен алып барыу теләге уятыу; тәмәке тартыуҙың кешенең эске донъяһына һәм тышҡы ҡиәфәтенә насар тәҫьир итә торған зарарлы ғәҙәт икәнлеген аңлатыу маҡсатында, 20 июнь көнө Исламбай ауылы китапханаһы китапханасыһы Әхмәтйәнова Флүзә "Тәмәке тартҡан - һаулығын юғалтҡан" исемле уйын- иҫкәртеү үткәрҙе.
Подробнее >>>
Әтек ауылы китапхана эргәһендә ойошторолған "Ағинәйҙәр" клубы ағзалары кейеҙ һуғыуҙын нескәлектәрен өйрәнеп, аҡ кейеҙ баҫтылар. Ең һыҙғанып эшкә тотонған ауыл уңғандары Иманғолова Әлфирә, Әбүбәкирова Нәйлә, Сөләймәнова Көнһылыу, Әхтәмова Лилиә, Байморатова Рәсилә, Абдрахманова Зәйтүнә һәм Байморатова Маһинур инәйҙәрҙең мөғжизәле, унған ҡулдарынан матур, тигеҙ, тығыҙ итеп баҫылған, яҡшы сифатлы кейеҙ барлыҡҡа килде.
Подробнее >>>
18 июндә Яңы Собханғол мәктәбе янындағы көндөҙгө лагерҙа үҙәк район китапханаһы китапханасыһы Айгөл Ғәбиҙуллина ял итеүселәр өсөн күңелле эстафета, “Әҙәби геройҙы таны” конкурсын үткәрҙе. Урта синыф уҡыусыларына Башҡортостандың йөҙ йыллығына арнап, тыуған яҡты өйрәнеү буйынса викторина һорауҙары тәҡдим ителде, ә кескәйҙәр менән йомаҡ ҡойҙолар. Иң һуңынан бөтәһе лә яратып өлгөргән “Әлләсе” уйынын уйнанылар.
Подробнее >>>
15 июнь Иҫке Собханғол мәктәбе Ғәлиәкбәр филиалының "Йәйләү" программаһы буйынса эшләүсе һауыҡтырыу лагерында китапханасы Толомғужина Лилиә балаларға Башҡортостандың 100 йыллығына арналған "Башҡортостан - алтын бишек" исемле сара үткәрҙе. Сара барышында балалар "Башҡортостанды беләһеңме?" исемле викторина һорауҙарына яуап бирҙеләр, ребустар систеләр, "Башҡортостан" һүҙенән һүҙҙәр төҙөнөләр, ете мөғжизәһен иҫкә төшөрҙөләр, Башҡортостан тураһында шиғыр сығарҙылар. Сара бик күңелле үтте.
Подробнее >>>
Аҫҡар ауыл китапханаһында китап уҡыусыларҙың ялын дөрөҫ һәм файҙалы итеп үткәреү маҡсатында йәйге лагерҙа ял итеүсе кескәйҙәр өсөн “Һәр ваҡыт булһын ҡояш!” исемле асфальтҡа һүрәт төшөрөү конкурсы үткәрелде.Йәй айын һәр бала һағынып көтөп ала.Шуның өсөн дә балалар ошо йәмле миҙгелгә арнап төрлө-төрлө һүрәттәр төшөрҙөләр. Күҙ ҡамаштырғыс сағыу,матур һүрәттәр араһынан иң-иңдәрен һайлап алыуы еңел түгел ине.Шулай ҙа беренселекте Ғәзиз һәм Азалина Юлмөхәмәтовтар берәүгә лә бирмәне.
Подробнее >>>
Халыҡ йолаларын өйрәтеү, балаларҙа уларға ҡарата һөйөү тәрбиәләү маҡсатында Аҫҡар ауылы китапханасыһы Мырҙабулатова Н. клуб хеҙмәткәрҙәре менән берлектә “Ҡарға бутҡаһы” йолаһы үткәрҙе. Был сарала балалар ғына түгел, ололар ҙа бик теләп ҡатнаштылар. Йылы, йәмле көндәрҙә ойошторолған йолаға йәйге лагерға йөрөүсе балалар ҙа саҡырылды. Тирә-яҡ балаларҙың күңеле тауыштарынан гөрләп торҙо.
Подробнее >>>
Всем известно, что 6 июня – день рождения великого русского поэта Александра Сергеевича Пушкина, чьё творчество любят и маленькие, и взрослые, поэтому в этот день по всей стране отмечают Пушкинский день России.
Кәкүк сәйе - борондан килгән матур йола. Кәкүк - башҡорт мифологияһында изге ҡош, шулай уҡ шомло, бәләле булып һаналған, уны ризалаштырыу өсөн махсус йола - Кәкүк сәйе йолаһы үткәрелгән. Килдеғол ауылында ла Кәкүк сәйе йолаһы үтте. Ҡатын-ҡыҙ, бала-саға йыйылышып Һарағы йылғаһы буйына сыҡты. Аш-һыу әҙер булғансы балаларға Кәкүк сәйе йолаһы тураһында һөйләп, уйындар ойошторолдо. Һәр уйында ихлас ҡатнашып, шәхси эшҡыуар Усманова Илгизә апайҙарының бүләктәрен алып ҡыуандылар.
Подробнее >>>
Һамар төбәк балалар китапханаһы ойошторған “Балаларға һуғыш тураһында уҡыйбыҙ” Халыҡ-ара акцияһы быйыл унынсы тапҡыр үтә. Сараның маҡсаты – балалар өсөн ижад ителгән Бөйөк Ватан һуғышы тураһындағы иң һәйбәт әҙәби әҫәрҙәр миҫалында йәш быуында патриотизм һәм гражданлыҡ тойғоһо тәрбиәләү. Акция сиктәрендә үҙәк район китапханаһы китапханасылары Иҫке Собханғол мәктәбенең VIII “А” синыфы уҡыусылары өсөн әҙәби-патриотик сәғәт үткәрҙе.
Подробнее >>>
