Ил батыры Салауат
16 июнь — Милли батырыбыҙ, яугир, шағир-импровизатор Салауат Юлай улының тыуыуына — 265 йыл тулды. Башҡорт халҡының милли геройы Салауат Юлаевтың тормошо, яу юлы менән танышыу, уның шәхесенә, ижадына ҡыҙыҡһыныу уятыу, ихтирам тәрбиәләү, Салауат Юлаев кеүек үҙ илеңдең патриоты булырға өйрәтеү маҡсатында Байназар урта мәктәбе янындағы көндөҙгө лагерҙа китапханасылар Гөлсиә Буранбаева һәм Роза Аетбаева ял итеүсе балалар менән “Ил батыры Салауат” исемле патриотик сәғәт үткәрҙе. Балалар милли батырыбыҙға арналған китап күргәҙмәһе менән танышҡас, уның шиғырҙарын уҡып, “Салауат Юлаев – башҡорт батыры” тигән видеояҙма ҡаранылар. Сара батыр тураһында дәртле йыр “Ай- һай Салауат йыры” менән тамамланды.
+1