Башҡортостан Республикаһының Дәүләт флагы көнө билдәләнде

25 февраль Яңы Усман ауылы моделлы китапханаһында Башҡортостан Республикаһының Дәүләт флагы көнөнә бағышланған «Башҡортостан флагы» исемле мәғлүмәт сәғәте үтте. Китапханасы Эльвира Юлай ҡыҙы ғорурлығыбыҙ һәм Башҡортостан халыҡтарының күп быуатлыҡ берҙәмлеге тарихын хәтерләткән флагтың барлыҡҡа килеү тарихы һәм уның төҫтәренең әһәмиәте менән таныштырҙы, шиғырҙар уҡыны. Сара аҙағында уҡыусылар викторина һорауҙарына яуап бирҙеләр.