Кескәйҙәрҙе йыйҙы китапхана

12 ғинуар Яңы Усман ауыл моделлы китапханаһында кескәй китап уҡыусылар әкиәт тыңларға йыйылдылар. Китапханасы Эльвира Юлай ҡыҙы ҡыштың матурлығы, Ҡыш бабай, ҡышҡы тәбиғәт менән таныштырыу өсөн Сәрүәр Суринаның «Ҡыш бабайҙың бала сағы» исемле әкиәтен уҡыны. Кескәйҙәр ҡыҙыҡһынып тыңланы. Әкиәтте тыңлап бөткәс, ҡыш көнө тәбиғәттә, хайуандар тормошонда ниндәй үҙгәрештәр булыуы тураһында һөйләштеләр, һорауҙарға яуап бирҙеләр.