Китапханаға экскурсия

24 октябрь көнө Яуымбай ауыл китапханаһына 5-6 синыф уҡыусылары экскурсияға килде. Китапханасы Кинйәкәева Р.И. уҡыусыларҙы китапты нисек файҙаланыу һәм һаҡлау саралары менән таныштырҙы. Улар китапханалағы китаптар, гәзит, журналдар, әҙәби баҫмалар менән яҡындан танышты. Шулай уҡ китап күргәҙмәләре лә уларҙа ҙур ҡыҙыҡһыныу тыуҙырҙы. «Һорау, яуап» викторинаһында әүҙем ҡатнаштылар. Уҡыусылар үҙәренә оҡшаған китаптарҙы һайлап алдылар. Китапхананан рухи аҙыҡ алып, илһамланып, тағы ла килергә тигән теләктә таралды балалар.