Ветеринар – изге һәм яуаплы һөнәр

31 август Рәсәйҙә ветеринария эшселәре көнө билдәләнә. Улар хайуандарға, ҡош-ҡорттарға ярҙам күрһәтеү урындарында эшләйҙәр. Тимер ауыл китапханаһында ошо профессия менән таныштырыу маҡсатында балаларға бай йөкмәткеле сара үткәрелде. Күмәкләп К.Чуковскийзын “Доктор Айболит” әҫәрен уҡып, мультфильмын ҡарағандан һуң ҡатнашыусылар үҙҙәрен Айболит ролендә һынап ҡаранылар. Сара аҙағында балалар йәйге каникулдар менән хушлашып мәҙәниәт йорто менән берлектә ойошторолған күңелле уйын программаһында ҡатнаштылар.