Китапхана өйгә килә

31 август көнө Яуымбай ауыл китапханасыһы Кинйәкәева Разия Искәнйәр ҡыҙы тарафынан, #Китапхана_өйгә_килә акцияһы сиктәрендә хеҙмәтләндереү ойошторолдо. Һәр уҡыусыға мәғлүмәтте еткереү, уларҙы яратҡан шөғөлдәренән айырмау маҡсатында, китап уҡырға теләге булып та, әммә ләкин сәләмәтлектәре буйынса, йәғни китапханаға йөрөй алмаған оло йәштәгеләрҙе “Китапхана өйгә килә” акцияһы сиктәрендә хеҙмәтләндереү ҡаралған. Беҙҙең китап уҡырға яратыусы дуҫтарыбыҙ һәр акцияны ҙур түҙемһеҙлек менән көтөп алалар. Китапханаға йөрөй алмаған оло йәштәгеләр, өйҙәренә китап килеүгә бик ризалар. Улар яңы матбуғат баҫмалары менән танышып, үҙҙәренә оҡшаған әҙәби китаптарҙы һайлап алып, ҡыуанып тороп ҡалдылар.