Шағир һәм герой Салауат Юлаев

16 июндә Нәби ауыл китапханаһында Салауат Юлаевтың тыуыуына 270 йыл тулыуға арналған «Шағир һәм герой Салауат Юлаев» исемле сара үтте. Китапханасы Теләүбаева Роза Ҡадир ҡыҙы балаларға башҡорт халҡының милли геройының тормошо, шиғри ижады һәм данлы хәрби юлы хаҡында һөйләне. Балалар Салауаттың ҡайҙа һәм ҡасан тыуыуын, бала сағында ниндәй булғанын, нисек батыр булыуын һәм уның батыр яугир ғына түгел, ә талантлы шағир-импровизатор булыуы тураһында ла белделәр. Шулай уҡ милли геройыбыҙ тураһында «Салауат Юлаев» фильмынан өҙөк ҡаранылар һәм кроссворд систеләр. «Башҡорт халҡының данлы улы» китап күргәҙмәһе менән, ундағы шиғырҙар йыйынтыҡтары һәм уның тормошона һәм ижадына арналған әҫәрҙәр менәндә таныштылар.