3 май – Халыҡ-ара Ҡояш көнө

3 май – Халыҡ-ара Ҡояш көнө. Был көн 1994 йылдан билдәләнә. Ул ҡояш энергияһын файҙаланыуҙы өйрәнеүгә, был эште киңәйтеүгә йүнәлтелгән.
Ҡояштың организмға тәьҫире бик ҙур. Ул йоҡоно яҡшырта, организмда Д витаминын туплауға булышлыҡ итә, артерияларға көслө йоғонто яһай, ҡан баҫымын түбәнәйтә. Ҡояштың нурҙары – көслө дезинфекциялау сараһы ла. Улар кешенең психикаһына ыңғай тәьҫир итә.
Ошо көн уңайынан Ғәлиәкбәр ауылы китапханасыһы Толомғужина Лилиә Сәғит ҡыҙы башланғыс синыф уҡыусылары өсөн сара үткәрҙе. Балалар был көндөң килеп сығыуы, ҡояштың кешелек доньяһы өсөн ни тиклем мөһим булыуы тураһында мәғлүмәт алғандан һуң, алфальтта төрлө һүрәттәр төшөрҙөләр.