«Әлләсе» интеллектуаль өҫтәл уйыны ойошторолдо

15 август көнө Ҡолғана ауыл китапханаһында, уҡыусыларҙың каникулдарын файҙалы уҙғарыу маҡсатында, балалар менән “Әлләсе ” интеллектуаль уйыны ойошторолдо. Был уйын балаларҙы отҡорлоҡҡа, тапҡырлыҡҡа, зирәклеккә һынай һәм башҡорт телен яҡшы белеүҙе, тиҙ фекерләп, уйлап уйнауҙы талап итә. Уйында ике команда ҡатнашты. Төп шарты – бер минут эсендә үҙ командаңа һүҙҙәрҙе аңлатыу. Тәү ҡарамаҡҡа ябай күренһә лә, һүҙҙәр аңлатҡанда төрлө һынауҙар үтәргә ла тура килә уйынсыларға. Сарала һәр кем бик теләп ҡатнашты, үҙҙәренең аҡыл зирәклектәрен, иғтибарлылығын тикшерҙе.