Ҡайҙа илһам – шунда тормош

14 март район үҙәк китапханаһында Иҫке Собханғол урта мәктәбенең 8А класы уҡыусылары өсөн, яҡташыбыҙ Таңһылыу Ҡарамышеваның 75 йәшлек юбилейы айҡанлы, “Ҡайҙа илһам – шунда тормош” исемле шиғриәт сәғәте үтте. Китапханасы Ишдәүләтова С. М. шағирәнең тормош юлы һәм ижады менән таныштырып үтте. Презентация аша уҡыусылар Ҡарамышевтар нәҫеленең тарихын белделәр. Таңһылыу Фаяз ҡыҙы һүҙҙәренә ижад ителгән йырҙар ҙа бар. Шағирәнең “Күҙ нурым” йырының тарихы менән таныштырған яҙмаһын тыңланылар. Уҡыу залында ойошторолған “Шиғырҙарым күңел дауаларым” китап күргәҙмәһенә байҡау яһалды.