Мостай Кәрим – башҡорт әҙәбиәтенең ғорурлығы

20 октябрь – милләтебеҙҙең рухи йондоҙо, бөйөк аҡыл эйәһе, халҡыбыҙҙың яратҡан улы, Башҡортостандың халыҡ шағиры Мостай Кәримдең тыуған көнө. Ошо уңайҙан йәш быуында шағир ижадына һөйөү тәрбиәләү, әҙиптең әҫәрҙәрен уҡыуға ҡыҙыҡһыныу уятыу маҡсатында Байназар ауыл моделлы китапханаһы китапханасыһы Аетбаева Роза Сәлимйән ҡыҙы 7 синыф уҡыусылары өсөн, мәктәптең китапханасыһы Мәсәғүтова Дилбәр Баязит ҡыҙы менән берлектә, Мостай Кәримдең ижадына арналған “Мостай Кәрим –башҡорт әҙәбиәтенең ғорурлығы” исемле әҙәби сәғәт үткәрҙеләр. Сара барышында Мостай Кәримдең бала сағынан алып үтелгән ғүмеренә, эшләнгән эштәренә байҡау яһалды. Уҡыусылар шағирҙың “Рус түгелмен, ләкин россиян мин”, “Ҡоштар осорам”, “Тауҙар” исемле шиғырҙарын уҡынылар. Шулай уҡ, әҙиптең тормош юлына һәм ижадына арналған викторинала, кросворд сисеүҙә лә бик әүҙем ҡатнаштылар.