Матурлыҡтың юҡтыр сиктәре
«Кешелә бөтә нәмә лә матур булырға тейеш: йөҙө лә, кейеме лә, күңеле лә, уйҙары ла» А. П. Чехов.
Ысынлап та, ҡатын-ҡыҙҙар өҫтөндә бөтмәҫ эш, донья мәшәҡәттәре тора. Шулай ҙа, һәр ҡатын-ҡыҙ үҙен-үҙе яратырға, хөрмәт итергә, үҙенә ваҡыт бүлергә тейеш.
Матурлыҡ көнө уңайынан Исламбай ауыл китапханаһында *Матурлыҡтың юҡтыр сиктәре!* исемле кисә үтте. Кисәгә юғары квалификациялы визажист, парикмахер- колорист Ғәбиҙуллина Зөмәрә Ғәлийән ҡыҙы саҡырылды. Зөмәрә Ғәлийән ҡыҙы осрашыуға килгән ҡатын-ҡыҙҙарыбыҙға бит тиреһен нисек тәрбиәләргә, макияжды нисек дөрөҫ һалырға, нисек алырға, сәс буяу, киҫеү, сәсте тәрбиәләү серҙәренә өйрәтте. Уларҙы ҡыҙыҡһындырған һорауҙарға яуап бирҙе һәм көндәлек һалынған макияж буйынса мастер- класс күрһәтте. Кисә аҙағында ҡыҙҙарыбыҙ гармун көйөнә бейеп, ҡыҙыҡлы һәм әһәмиәтле осрашыуҙан бик күп нәмәләргә өйрәнеп, ҡәнәғәт булып таралыштылар.
Донъяға тыуған һәр кеше үҙенсә гүзәл. Сөнки матурлыҡ – уның күңелендә балҡый. Ысын матурлыҡты күҙ менән күрәләр, әммә күңел менән тоялар.
Дуҫтар, һәр ваҡыт шулай матур булып, яҡтылыҡ, изгелек өләшеп, матурлыҡҡа инанып йәшәйек!