Бөйөк ҡаһарманлыҡ – халыҡ хәтерендә

5 май Ғәлиәкбәр ауыл китапханаһы Һамар төбәк балалар китапханаһы ойошторған “Балаларға һуғыш тураһында уҡыйбыҙ” Халыҡ-ара акцияһына ҡушылды. Акцияның төп маҡсаты – балалар өсөн ижад ителгән Бөйөк Ватан һуғышы тураһындағы әҙәби әҫәрҙәр аша йәш быуынды патриотик рухта тәрбиәләү, тыуған илгә һөйөү һәм ғорурлыҡ тойғоһо уятыу. Акция сиктәрендә Иҫке Собханғол мәктәбе Ғәлиәкбәр филиалының 3 -4 синыф уҡыусылары өсөн “Бөйөк ҡаһарманлыҡ – халыҡ хәтерендә” исемле батырлыҡ дәресе үтте. Бөйөк Ватан һуғышы тураһында әңгәмәнән һуң балалар С. Алексеевтың “Бөйөк Ватан һуғышы тураһында хикәйәләре” һәм А. Печерскаяның “Бөйөк Ватан һуғышының герой балалары” әҫәрҙәре менән таныштылар, уҡылғандар буйынса фекер алыштылар. Артабан Башҡортостандың халыҡ шағиры Мостай Кәримдең «Беҙҙең өйҙөң йәме» тигән повесына нигеҙләнеп төшөрөлгән “Һеңлекәш”(“Сестренка”) фильмын ҡаранылар.