Башҡортостаным – илем
8 октябрь көнө Аҫҡар ауыл китапханаһында балалар өсөн Республика көнөнә арналған аҙналык сиктәрендә “Башҡортостаным – илем” исемле йондоҙло сәғәт уйыны үткәрелде. Был сара уҡыусыларға Башкортостан тәбиғәтенең гүзәллеген, байлыҡтарын, данлыҡлы шәхестәрен, батырҙарын күрһәтеп тыуған еребеҙгә һөйөү, ғорурлыҡ уятыу, фекерләү кимәлен үҫтереү маҡсатында ойошторолдо. Балалар Башҡортостандың тәбиғәтенә, арҙаҡлы шәхестәренә, райондар һәм ҡалаларына бәйле төрлө һорауҙарға яуап табып, III турҙа үҙҙәренең белемдәрен һынанылар. Уларҙың һәр дөрөҫ яуабы йондоҙсоҡтар менән баһаланды һәм иң күп йондоҙ йыйыусы команда еңеүсе тип билдәләнде. Сара аҙағында “Көҙгө мөғжизә”исемле һүрәттәр конкурсында ҡатнашҡан уҡыусыларҙы бүләкләп кителде.
+1