Милли кейемдә – халҡыбыҙ мираҫы

10 сентябрь республика ла Милли кейем көнө. Ошо уңайҙан Исламбай ауыл китапханаһында башланғыс класс уҡыусылары өсөн «Милли кейемдә – халҡыбыҙ мираҫы» исемле сара үткәрелде.

“Бөгөн Башҡортостанда иң матур, сағыу байрамдарҙың береһе – Милли кейем көнө билдәләнә. Байрамдың маҡсаты – Башҡортостан халыҡтарының милли мәҙәнәитен һаҡлау һәм үҫтереү. Милли кейем – ул өҫ кейеме генә түгел, ә халыҡтың мәҙәниәте, тарихы, йолалары сағылышы. Ул рухи-мәҙәни мираҫты һаҡларға ярҙам итә, шуның өсөн дә был көндө республиканың бар район-ҡалаларында, ауылдарында билдәләйҙәр. Беҙҙә бөгөн ошо уңайҙан һеҙҙе милли кейемдәр менән таныштырырға тип, оҙаҡ йылдар мәҙәниәт өлкәһендә эшләүсе Маһир Бәшир ҡыҙын һәм Вәлимә Якуп ҡыҙын ҡунаҡҡа саҡырҙыҡ”,- тип китапханасы һүҙҙе уларға бирҙе. Маһира Бәшир ҡыҙы балаларҙы башҡорт ҡатын -ҡыҙҙарының милли кейем төрҙәре менән таныштырһа, Вәлимә Яҡуп ҡыҙы ир-егеттәрҙең кейемдәре менән таныштырып үтте. Сара аҙағында китапханасы уҡыусыларҙы төрлө милләт халҡының милли кейемдәре, йолалары, ғөрөф-ғәҙәттәре менән таныштырҙы. Уҡыусылырға мәҙәни сара бик оҡшаны. Балаларҙа милли рух күтәреү, халҡыбыҙҙың милли кейеменә, мәҙәниәтенә ҡыҙыҡһыныу, һөйөү тәрбиәләү өсөн бик яҡшы сара булды.

Милли кейем – милли сифат билдәһе генә түгел, ә халыҡтың оло тарихын, рухи ҡеүәһен күрһәткән дәлил дә. Эске булмышыбыҙҙың сағылышы булған оло хазинаны юғалтмайыҡ, ҡәҙерләп һаҡлайыҡ, киләһе быуындарға түкмәй-сәсмәй тапшырайыҡ!