Балаларға һуғыш тураһында уҡыйбыҙ

Бөрйән үҙәкләштерелгән китапханалар системаһы Һамар төбәк балалар китапханаһы ойошторған “Балаларға һуғыш тураһында уҡыйбыҙ” Халыҡ-ара акцияһына ҡушылды. Акцияның төп маҡсаты – балалар өсөн ижад ителгән Бөйөк Ватан һуғышы тураһындағы әҙәби әҫәрҙәр аша йәш быуынды патриотик рухта тәрбиәләү, тыуған илгә һөйөү һәм ғорурлыҡ тоғоһо уятыу. Быйыл ун беренсе тапҡыр үткәрелгән сара онлайн-режимда үтте.