Шиғыр бәйгеһе үтте

22 октябрь Әтек ауыл китапханаһы мәктәп менән берлектә Башҡортостандың халыҡ шағиры Мостай Кәримдең тыуыуына 100 йыл тулыуға арнап “Күкрәгемдән ҡоштар осорам…” исемле шиғыр бәйгеһе үткәрҙе. Был сара, йәш быуында шиғырҙар аша тыуған еребеҙгә ихтирам үҫтереү, шағир ижадына һөйөү тәрбиәләү маҡсатында үтте. Йәш конкурсанттарҙың М.Кәримдең төрлө осорҙа яҙылған шиғырзарын яңғыҙҙа, апайҙары, әсәйҙәре менән берлектә ихлас күңелдән, тасури итеп һөйләүҙәре тамашасыны битараф ҡалдырманы. Сара барышында уҡыусылар Әҙиптең тормош юлы һәм ижады менән таныштылар. Еңеүселәр маҡтау ҡағыҙҙары һәм приздар бүләкләнде.