Торған ерем гөл араһы – үҙем башҡорт балаһы
22 март Әтек ауылы мәҙәниәт йортонда яҡташыбыҙ, фельетонсы, драматург, публицист, Рәсәй һәм Башҡортостан Республикаһы Яҙыусылар союзы ағзаһы Сөләймән Латыповтың 65 йәшлек юбилейына арналған “Торған ерем гөл араһы – үҙем башҡорт балаһы” исемле кисә үтте. С. Латыповтың тормош юлы һәм ижадына байҡау яһағандан һуң, ауыл хакимиәте башлығы Әбүбәкиров Нуретдин Бәҙретдин улының, мәктәп коллективы уҡытыусылары, “Ағинәйҙәр” клубы ағзалары, “Алтынай” ҡатын – ҡыҙҙар вокаль ансамбле сығыш яһап, юбилярҙы ҡотлауҙары менән үрелеп барҙы. Кисә һуңында яҡташыбыҙға ижад ҡомарының һүрелмәүен, тағы ла яңынан-яңы китаптары менән уҡыусыларҙы ҡыуандырып тороуын теләп таралыштылар.
0