Халыҡ ижады – аҫыл таш

    18 февраль “Наши истоки. Читаем фольклор” Халыҡ-ара акцияһы сиктәрендә 2 класс уҡыусылары өсөн Килдеғол ауыл китапханаһында “Халыҡ ижады – аҫыл таш” исемле әңгәмә ойошторолдо. Әңгәмә барышында халыҡ ижады төрҙәре, райондан сыҡҡан ғалим -фольклорсылар тураһында һөйләп кителде. Артабан “Рухи байлығыбыҙ” исемле мини-музейға экскурсия ойошторолдо. Мини-музейға ҡуйылған экспонаттар уҡыусыларҙа ҙур ҡыҙыҡһындырыу тыуҙырҙы. Перо менән һәр кем яҙып ҡараны. Йомаҡ ҡойоп, әкиәттәр буйынса викторина һорауҙарына яуап бирҙеләр, “Ҡайһы әкиәттән?”исемле уйында ла ихлас ҡатнаштылар.