Онотолмаҫ ҡаһарманлыҡ
5 февралдә Советтар Союзы Геройы Шакирйән Юныс улы Мөхәмәтйәновтың (Александр Матросов) тыуыуына 95 йыл тулыу уңайынан Иҫке Собханғол мәктәбе уҡыусылары өсөн “Онотолмаҫ ҡаһарманлыҡ” тигән батырлыҡ дәресе үтте. Уҡыусылар геройҙың тормош юлы, тиңһеҙ батырлығы тураһында тыңланы, Рәүеф Насировтың “Ҡайҙан һин, Матросов?” китабы менән танышты, “Александр Матросов” кинофильмынан өҙөк ҡараны. Шакирйән Мөхәмәтйәновтың батырлығын ҡабатлаған яҡташтарыбыҙ Миңлеғәли Ғөбәйҙуллин, Николай Голубков, Григорий Овчинников һәм Сәйфулла Йосопов хаҡындағы мәғлүмәттәр ҙә ҡыҙыҡлы булды.
0