Китапханала шиғриәт көнө үтте

       21 март көнө күңелендә шиғриәт осҡоно йөрөтөүселәр Байназар моделле ауыл китапханаһына осрашыу кисәһенә йыйылдылар. Кемдер донъя гүзәллегенә һоҡланыуын, кемдер шатлығын йә хәсрәт-зарын, кемдер мөхәббәтен аҡ ҡағыҙ битенә төшөрә. Шулай күңелендә ташҡан хис-тойғоларҙы башҡалар менән уртаҡлашыу теләге йыйҙы уларҙы. Йәш ижад итеүселәр: Карагулов Азамат (3 класс), Әйүпова Вәсилә (4 класс), Буранбаева Зилиә (7 класс), Мөхәмәтйәнова Гөлзирә (10 класс), Әхмәтова Алһыу (10 класс), Байрамғолова Розалия (10 класс), үҙҙәренең тәүге ижад емештәре менән таныштырып үттеләр.Таңһылыу Нурғәлина, Фәрхәнә Сураҡова, Нажия Ишҡыуатова, Нурзилә Исмәғилова, Бүләкбикә Мөхәмәтйәнова, Фәриҙә Дәүләтшиналар үҙҙәре яҙған һәм дә яратып уҡыған күренекле шағирҙарҙың әҫәрҙәрен уҡып ишеттерҙеләр. Шиғри йәнле ауылдаштарыбыҙ күберәк булған һайын, донъябыҙ йәмлерәк була бара.